Xəzər rayonunda 28 May - Müstəqillik Gününə həsr olunmuş cüdo üzrə rayon birinciliyi keçirilib
23-05-2023, 11:55. Yazar: sevinc1
AİA.Az xəbər verir ki, Azərbaycan Cüdo Federasiyası və Xəzər Rayon Gənclər və İdman İdarəsinin birgə təşkilatçılığı ilə Mədəniyyət və Sənətkarlıq üzrə Bakı Dövlət Peşə Təhsili Mərkəzinin idman bazasında rayonun kiçik və yeniyetmələri arasında cüdo idman növü üzrə rayon turnir təşkil olunub. İlk öncə turnir Azərbaycan Respublikasının Dövlət Himni ilə açıq elan edilmiş və Vətən Müharibəsi şəhidlərinin əziz xatirəsi bir dəqiqəlik sükutla yad edilmsidir.
Turnirdə Xəzər rayon Gənclər və İdman İdarəsinin rəisi Vüqar Əliyev, idman yarışının baş hakimi, peşəkar və gənc cüdo idman növü üzrə məşqçi Elvin İsmayılov, həmçinin kiçik və yeniyetmələr iştirak ediblər. Cüdo yarışına 100-dən çox idmançı qatılmışdır. Qalib olan idmançılara Gənclər və İdman İdarəsi tərəfindən diplom və medallar təqdim edilib.
Geri dön