Rusiyanın adı dəyişdiriləcək? Litva parlamenti təklif irəli sürdü
19-05-2023, 20:30. Yazar: sevinc1
“Rusiyanın adının Moskoviya olaraq dəyişdirilməsi imkanları nəzərdən keçirilir”.
AİA.Az Gazeta.ru-ya istinadən xəbər verir ki, bu sözləri Litva Seymində (parlament) Gələcək komitəsinin sədri Raymundas Lopata deyib.
O bildirib ki, Litva Böyük Hersoqluğunun tarixi kontekstini nəzərə alaraq komitə Litvaya və Qərb dövlətlərinə Rusiyanın tarixi roluna dair avropalıların beynində möhkəmlənmiş narrativlərdən daha məqbul və dəqiq qiymətləndirmə təklif etmək niyyətindədir.
“Gəlin aydınlaşdıraq ki, ölkəni necə adlandırmaq daha yaxşı olardı - Rusiya və ya Moskoviya”, - deyə Raymundas Lopata bildirib.
Qeyd olunur ki, komitə bununla bağlı tarixçilərin fikirlərini dinləyəcək və Rusiyanın adının dəyişdirilməsi ilə bağlı müzakirələr aparacaq.
Geri dön