“Azovstal”ın taleyi necə olacaq?
19-05-2023, 10:41. Yazar: sevinc1
Rusiya Federasiyasının Baş nazirinin müavini Marat Xusnullin RİA Novosti-yə bildirib ki, Mariupoldakı “Azovstal” metallurgiya zavodunun yerində texnoparkın tikintisi ilə bağlı yekun qərar qəbul edilib, onun planı ərazi təmizləndikdən sonra hazır olacaq. “Biz hesab edirik ki, orada texnopark olmalıdır. Müxtəlif fikirlər var idi, amma başa düşmək lazımdır ki, Azovstalda cəmi yüz minlərlə ton metal var. Ərazinin minalardan təmizlənməsi bitəndə isə onu qaydaya salmaq lazım gələcək, bu, kiçik pul deyil, milyardlarla (rubl) xərc tələb edəcək. Ona görə də texnoparkın yaradılması ideyası hələ də var. İndi biz planlı minatəmizləmə işləri aparırıq, hər şeyi təmizləyən kimi, bu müddət ərzində Azovstalın gələcək texnopark kimi inkişafı planı hazır olacaq”, - deyə Xusnullin bildirib.
AİA.az
Geri dön