Cəbrayılda avtomobildən narkotik götürülüb
12-05-2023, 17:37. Yazar: sevinc1
Cəbrayıl Rayon Polis Şöbəsinin (RPŞ) əməkdaşları tərəfindən keçirilmiş əməliyyat-axtarış tədbirləri nəticəsində marixuana və metadon həbi aşkar edilərək götürülüb.
Aia.az “Report”a istinadən xəbər verir ki, bu barədə Daxili İşlər Nazirliyinin Mətbuat Xidmətinin Bərdə regional qrupundan “Report”a məlumat verilib.
Bildirilib ki, Cəbrayıl RPŞ-nin əməkdaşlarının məcburi köçkünlər üçün salınmış 3 saylı qəsəbə ərazisində keçirdiyi əməliyyat tədbirləri ilə Siyəzən rayon sakini, əvvəllər məhkum edilmiş Samir Hadıyevin sərnişin qismində əyləşdiyi avtomobil saxlanılıb.
Avtomobildə aparılan müvafiq axtarış zamanı yük yerindən S.Hadıyevə məxsus 3 kiloqram 520 qram marixuana və 300 metadon həbi aşkar edilərək götürülüb.
Faktla bağlı cinayət işi başlanılıb, məhkəmənin qərarı ilə adıçəkilən şəxs barəsində həbs qətimkan tədbiri seçilib.
Aia.az
Bölgə müxbiri Sübhan Məmmədov
Geri dön