YAP Gəncə şəhər təşkilatında Ulu Öndər Heydər Əliyevin büstünün açılışı olub
12-05-2023, 13:44. Yazar: sevinc1
Müstəqil Azərbaycan dövlətinin memarı və qurucusu, xalqımızın Ümummilli Lideri Heydər Əliyevin anadan olmasının 100 illik yubileyi münasibətilə Yeni Azərbaycan Partiyasının Gəncə şəhər təşkilatının inzibati binasında Ulu Öndərin büstünün təntənəli açılışı olub.
aia.az xəbər verir ki, büstün açılış mərasimində Gəncə şəhər İcra Hakimiyyətinin başçısı Niyazi Bayramov, Milli Məclisin üzvləri, şəhər İH başçısı Aparatının əməkdaşları, YAP Gəncə şəhər təşkilatının, eləcə də ərazi partiya təşkilatlarının kollektivi, müharibə iştirakçıları və ziyalılar iştirak ediblər.
Tədbirdə qeyd olunub ki, Ulu Öndər Heydər Əliyev nadir tarixi şəxsiyyət, müstəqil Azərbaycan dövlətinin qurucusudur. Tarixin ən mürəkkəb anlarında onun apardığı uzaqgörən və müdrik siyasət bu gün Azərbaycanın müstəqil və güclü olmasına zəmin yaradıb. Çıxışlarda Heydər Əliyevin Azərbaycanın müstəqilliyi naminə göstərdiyi xidmətlərin əvəzsiz olduğu vurğulanıb.
Daha sonra tədbir iştirakçıları dahi şəxsiyyətin büstü önünə gül dəstələri düzüb, əziz xatirəsinə dərin hörmət və ehtiramlarını ifadə ediblər.
Azər Tağızadə
Geri dön