Gəncədə Ümummilli Lider Heydər Əliyevin və akademik Zərifə xanım Əliyevanın xatirəsinə ağacəkmə aksiyası keçirilib
6-05-2023, 18:40. Yazar: sevinc1
Gəncə şəhər İcra Hakimiyyətinin başçısı Niyazi Bayramovun təşəbbüsüylə Mənzil Kommunal Təsərrüfatı İstehsalat Birliyi (MKT İB) tərəfindən dahi şəxsiyyət, Ümummilli Lider Heydər Əliyevin və görkəmli oftalmoloq-alim, akademik Zərifə xanım Əliyevanın 100 illik yubileyləri münasibətilə ağacəkmə aksiyası təşkil olunub.
aia.az xəbər verir ki, Azərbaycan Bayrağı küçəsində təşkil edilən aksiyada Gəncə şəhər İcra Hakimiyyətinin başçısı Niyazi Bayramov, icra hakimiyyəti aparatının əməkdaşları, MKT İB-in kollektivi, yerli sakinlər iştirak ediblər.
Aksiya zamanı yerli iqlim şəraitinə uyğunlaşdırılmış 200 ədəd sərv ağacı əkilərək onlara xüsusi aqrotexniki qulluq göstərilib, suvarılması təmin edilib.
Məlumat üçün bildirək ki, əkilən ağac tingləri MKT İB-in Yaşıllaşdırma şöbəsinin gülçülük sahəsində yetişdirilib. Ərazidə həmçinin Gülçülük sahəsində becərilən mövsümi gül kolları da əkilib.
Azər Tağızadə
Geri dön