Siyəzəndə torpaq sürüşməsi olub, 2 ev qəzalı vəziyyətə düşüb
5-05-2023, 20:37. Yazar: sevinc1
Fövqəladə Hallar Nazirliyinə Siyəzən rayonunun Sədan kəndində baş vermiş torpaq sürüşməsi nəticəsində kənd sakinləri N.Qanbayeva və G.Məlikovanın yaşadıqları fərdi yaşayış evlərinin qəzalı vəziyyətdə olması və yaşayış üçün yararsız vəziyyətə düşməsi barədə məlumat daxil olub.
Aia.az xəbər verir ki, bu barədə FHN-in Mətbuat xidməti məlumat yayıb.
Bununla əlaqədar FHN-in Şimal Regional Mərkəzinin əməkdaşları tərəfindən evləri təhlükəli vəziyyətə düşmüş Sədan kənd sakinləri üçün müvəqqəti yaşayış məqsədilə iki ədəd çadır qurularaq vətəndaşlara təhvil verilib.
Aia.az
Şimal zonası üzrə bölgə müxbiri Sübhan Məmmədov
Geri dön