Azərbaycan Qol Güləşi Federasiyası “Heydər Əliyev İli” ilə əlaqədar turnir keçirib
1-05-2023, 20:28. Yazar: sevinc1
Ölkəmizdə 2023-cü ilin “Heydər Əliyev İli” elan edilməsi ilə əlaqədar Azərbaycan Qol Güləşi Federasiyası aprel ayının 29-u və 30-da paytaxtın Bakıxanov qəsəbəsində yerləşən Bakı Gənclər Evində Ulu Öndər Heydər Əliyevin anadan olmasının 100 illiyinə həsr olunmuş “Mən həmişə fəxr etmişəm, bu gün də fəxr edirəm ki, mən Azərbaycanlıyam” devizi altında Qol güləşi üzrə ümumrespublika turniri keçirib.
Yarışdan öncə turnir iştirakçıları səhər saatlarında böyük bir heyətlə Fəxri xiyabanda Ulu Öndərin məzarını ziyarət ediblər. Məzarın üstünə Azərbaycan Qol Güləşi Federasiyasından əklil qoyulub. Federasiya prezidenti Cəsarət Əhmədov Fatihə surəsini oxuyub, Ulu Öndərin ruhuna dualar edilib. Bundan sonra tədbir iştirakçıları görkəmli akademik Zərifə xanım Əliyevanın məzarını ziyarət ediblər. Məzarın üstünə gül dəstəsi qoyulub, dualar edilib.
Geri dön