Azərbaycanın beş güləşçisi Qazaxıstanda keçirilən beynəlxalq turnirdə medal qazanıb
1-05-2023, 11:16. Yazar: sevinc1
17 yaşadək sərbəst güləşçilərdən ibarət Azərbaycan yığması Qazaxıstanın Atırau şəhərində keçirilən beynəlxalq turnirdə beş medal qazanıb.
Azərbaycan Güləş Federasiyasından (AGF) verilən məlumata görə, böyük məşqçi Əsgərxan Novruzov və məşqçi Vahid Məmmədovun rəhbərliyi altında millinin heyətində Yusif Dursunov (110 kq) bütün rəqiblərinə qalib gələrək çempion olub.
Eltun Mamedov (45 kq) gümüş, Bəşir Verdiyev (51 kq), İsmayıl Rəhimli (71 kq) və Səid Paşayev (92 kq) isə bürünc medal qazanıblar.
Azərbaycan yığması komanda hesabında üçüncü yeri tutub.
aia.az
Geri dön