“Heydər Əliyev Masallıda” adlı dəyirmi masa
28-04-2023, 09:18. Yazar: sevinc1
Masallıda ulu öndər Heydər Əliyevin anadan olmasının 100 illiyinə həsr olunan silsilə tədbirlər ara vermir. Növbəti belə tədbir rayon Tarix-Diyarşünaslıq Muzeyində təşkil olunub. Yeni Azərbaycan Partiyası Masallı rayon təşkilatı, Heydər Əliyev Mərkəzi və Tarix-Diyarşünaslıq Muzeyi ərazi partiya təşkilatlarının dəstəyi sayəsində baş tutan “Heydər Əliyev Masallıda” adlı dəyirmi masada partiya veteranları, gənclər və media nümayəndələri iştirak edib.
Tədbir dahi şəxsiyyət, ümummilli lider Heydər Əliyevin və Azərbaycanın ərazi bütövlüyü uğrunda şəhidlik zirvəsinə ucalan qəhrəman Vətən oğulların əziz xatirəsi bir dəqiqəlik sükutla yad edilməklə başlanıb.
Muzeyin direktoru, Əməkdar mədəniyyət işçisi , Azərbaycan Jurnalistlər Birliyinin üzvü Əntiqə Tağıyeva tədbirin giriş sözündə görkəmli siyasi və dövlət xadimi Heydər Əliyevin anadan olmasının 100 illik yubileyi münasibətilə ölkəmizin hər yerində olduğu kimi, Masallıda da silsilə tədbirlərin həyata keçirdiyini bildirib.
Daha sonra çıxış edən YAP Masallı rayon təşkilatının sədri Seyfəddin Əliyev müstəqil Azərbaycan dövlətinin qurucusu, XX və XXI əsrin böyük siyasətçisi Heydər Əliyevin ölkəmizin inkişafı istiqamətində misilsiz xidmətindən, gərgin, yorulmaz fəaliyyətindən danışıb, ulu öndərin Masallı və masallılar haqqında söylədiyi dəyərli fikirləri xatırladıb.
“Masallı ziyalıları” İctimai Birliyinin sədri Q. Fətullayev, Şərəfə kənd tam orta məktəbinin tarix müəllimi S. Musayeva, sahibkar G. Allahyarov, YAP veteranları G. Ələsgərova, C. Ağayev, A. Məmmədova, Masallı Xalq Teatrının rejissoru C. Əliyev ulu öndərlə bağlı xatirələrini söyləyib, Heydər Əliyevin Masallı ziyalıları və əmək adamları ilə görüş gününü yaşayanlar kimi özlərini xoşbəxt insan hesab etməklə qürur duyduğunu deyiblər.
Yekunda xatirə şəkilləri çəkilib.
Zəfər Orucoğlu,
Azərbaycan Jurnalistlər Birliyinin üzvü
Geri dön