Ermənilər bir gün gözlərini açıb Azərbaycan bayrağını öz başları üzərində görə bilərlər
22-04-2023, 15:08. Yazar: sevinc1
Bu gün Azərbaycan Bayrağı Qarabağda dalğalanır.Ağdamda,Fizulidə, Cəbrayılda,Qubadlıda,Kəlbəcərdə,Laçında,Şuşada,Hadrutda,Talışda,Suqovuşanda və neçə-neçə kənddə,yüzlərlə kənddən Azərbaycan Bayrağı dalğalanır.Bu gün Azərbaycan Bayrağı Zəngəzur dağlarında dalğalanır.
Adam qürur hissi keçirir. Azərbaycan Ordusu işğal altında olan yaşayış məntəqələrindəki yüksəklikləri azad edəndən sonra sanki bütün insanlarda bir bayraq sevgisi, bir bayraq məhəbbəti bir qədər də artıb. Çünki Azərbaycan ordusu işğaldan azad etdiyi məntəqələrə və yüksəkliklərə üçrəngli bayrağımızı sancıb.
Bu gün əksər binaların eyvanlarında və mənzillərdə Azərbaycan bayrağının dalğalandığını görmək olar. Bu da təsadüfi deyil, çünki Azərbaycan prezidenti İlham Əliyev və Milli Ordumuz bu bayrağı ucalığa qaldırıb. Və bu bayraq indi erməni işğalından azad olunmuş 8 yüksəkliyin hər birində yenidən dalğalanır. Azərbaycan bayrağı zaman-zaman öz qüdrətini və şöhrətini milyonlarla insanın qəlbində özünə yer tapıb. İndi balaca uşaqlar da, məktəb yaşlı şagirdlər də Azərbaycan bayrağını öpüb gözlərinin üstünə qoyur, bu Vətənə, bu torpağa sadiq olduğunu bildirirlər.
Bizim millət ən ağır, ən çətin gündə birləşməyi bacarır. Millət birləşəndə daha möhtəşəm və daha qüdrətli olur. Bu birliyi biz bir daha Azərbaycan Ordusunun zəfər çaldığı günlərdə gördük. Gördük ki, ölkəmizin bütün şəhər, rayon və kəndlərində insanlar hamısı ayağa qalxaraq ölkə prezidenti və ordu ilə həmrəy olduqlarını bəyan edirlər. Ayrı-ayrı şəhərlərdə və rayonlarda yığıncaqlar, toplantılar və yürüşlər keçirərək xalq ordu ilə həmrəyliyini ifadə edir. Təbii ki, bu cür coşğu və sevgi Azərbaycan xalqının birliyinin və bütövlüyünün rəmzidir desək yanılmarıq.
Bu qələbələr fonunda Prezident İlham Əliyevin iki il əvvəl Bakıda keçirilən hərbi paradda böyük inamla dediyi sözlər də yada düşür: “Gün gələcək və bu gün işğal altındakı torpaqlar azad olunandan sonra orada qaldırılacaq Azərbaycan bayrağı Azadlıq meydanına gətiriləcək və hərbi paradda göstəriləcək. Biz bu müqəddəs günü yaxınlaşdırmalıyıq və yaxınlaşdırırıq”.
Rəşadətli Azərbaycan Ordusu Müzəffər Ali Baş Komandan İlham Əliyevin rəhbərliyi ilə aparılan Vətən müharibəsində ərazilərimizi erməni işğalından addım-addım, qarış-qarış azad edir və üçrəngli bayrağımızı bu bayrağa illərdir həsrət qalmış doğma torpaqlarımızda dalğalandırır.
Xalqımız əmindir ki, işğal atlındakı bütün torpaqlarımız azad olunacaq, dövlətimizin başçısının dediyi kimi, həmin torpaqlarımızda qaldırılan Azərbaycan bayrağı Azadlıq meydanına gətirilərək hərbi paradda nümayiş etdiriləcək. O gün çox yaxındadır.
Azərbaycan Dövlət Pedaqoji Universiteti
Murad Məhəmmədli Asif
Geri dön