Bu gün Siyəzən Şəhidi Tural İsayevin doğum günüdür
11-04-2023, 10:09. Yazar: sevinc1
Tural Saləddin oğlu İsayev 1992-ci il, aprelin 11-də Siyəzən rayonunun Yenikənd kəndində anadan olub.
Həqiqi hərbi xidmətini başa vurduqdan sonra müddətdən artıq xidmət edən hərbi qulluqçu kimi yenidən ordu sıralarına qayıdıb. 2020-ci il sentyabrın 27-də başlayan Vətən Müharibəsində iştirak edib. Düşmənin müdafiə xəttini yarmaq üçün ön cəbhəyə atılan çavuş Tural İsayev elə həmin gün Füzuli döyüşləri zamanı şəhid olub.
120 gün sürən axtarışlardan sonra nəşi tapılan şəhidimiz 2021-ci il yanvarın 31-də doğulduğu Gilgilçay kəndində dəfn edilib. Anası oğlunun nəşi tapıldığı üçün qurban kəsib.
Ölümündən sonra “Vətən uğrunda”, “Füzulinin azad olunmasına görə, “Şuşanın azad olunmasına görə” medalları ilə təltif edilib.
Aia.az
Şimal zonası üzrə bölgə müxbiri Sübhan Məmmədov
Geri dön