Xəzər rayonunda Aprel döyüşləri şəhidlərinin əziz xatirəsinə həsr olunmuş cüdo üzrə Açıq Rayon turniri keçirilib
9-04-2023, 22:59. Yazar: sevinc1
Xəzər Rayon Gənclər və İdman İdarəsi və Şağan Olimpiya İdman Kompleksinin birgə təşkilatçılığı ilə kiçik və yeniyetmələr arasında cüdo idman növü üzrə Açıq rayon turniri keçirilib. Turnir Azərbaycan Respublikasının Dövlət Himni ilə açıq elan edilib və Aprel döyüşlərində həlak olan şəhidlərimizin əziz xatirəsi bir dəqiqəlik sükutla yad edilib.
Turnirdə Bakı şəhəri və ətraf regionlardan olmaqla 200-dən çox idmançı iştirak etmişdir. Turnirin keçirilməsində məqsəd Aprel döyüşləri şəhidlərinin xatirəsini yad etmək və gənclərə vətənpərvərlik hisslərini aşılamaqdan ibarətdir. Qaliblər Gənclər və İdman İdarəsi tərəfindən diplom və medallarla təltif ediliblər.
Geri dön