17 yaşlı qız parkda attraksiondan yıxılıb
30-03-2023, 12:09. Yazar: sevinc1
Hadisə Özbəkistanın Fərqanə vilayətinin Riştan rayonundakı istirahət və əyləncə parkında baş verib. Bura rəfiqələri ilə əylənməyə gələn 17 yaşlı qız “Pirate Ship” (“pirat qayığı”) attraksionundan yıxılıb. Hazırda o, həkim nəzarətindədir. Bu barədə Fərqanə vilayətinin Daxili İşlər İdarəsinin mətbuat xidməti məlumat yayıb. Zərərçəkmiş xəsarətlə rayon tibb birliyinə aparılıb. Məhkəmə-tibbi ekspertizası təyin edilib. Faktla bağlı Riştan Rayon Daxili İşlər İdarəsi tərəfindən araşdırmaya başlanıb. Hadisənin təfərrüatlarını və təhlükəsizlik qaydalarına əməl edilib-edilmədiyini aydınlaşdırmaq üçün müvafiq addımlar atılır. Qeyd edək ki, “Pirate Ship” attraksionu bəzi Bakı parklarında da quraşdırılmışdır və kifayət qədər populyarlığa malikdir.
aia.az
Geri dön