ABŞ-da gənc qız məktəbdə odlu silhadan atəş açaraq 6 nəfərin həyatına son qoyub
29-03-2023, 12:20. Yazar: sevinc1
ABŞ-ın Tennesi ştatının paytaxtında xristian məktəbində baş vermiş atışma nəticəsində azı üç uşaq və üç böyük insan dünyasını dəyişib. Bu barədə ştatın səlahiyyətli orqanlarının təqdim etdikləri məlumatda xəbər verilir. Bazar ertəsi, martın 27-də Neşvilldəki Burton Hills bulvarındakı məktəbdə baş verən silahlı insidentə müdaxilə etmək üçün çağırışa gələn polislər atışmaya cəlb olunublar. Nəticədə məktəbə basqın edən şəxs güllənərək öldürülüb. İlkin məlumata görə basqınçı gənc qız olub. Mətbuat konfransında polis sözçüsü Don Aaron atışma zamanı ölənlər arasında 3 uşaq və 3 məktəb işçisinin olduğunu bildirib. Bir polis yaralanıb. Hücum edən şəxsin iki avtomat-tüfənglə silahlandığı, həmçinin hadisə yerindən daha bir tapançanın da tapıldığı bildirilir.
Geri dön