Gəncədə şəhid Orxan Əsgərovun qırx mərasimi keçirilib
9-03-2023, 14:38. Yazar: sevinc1
İrandakı Azərbaycan səfirliyinə terror hücumu zamanı şəhid olan Mühafizə Xidmətinin rəisi, baş leytenant Orxan Əsgərovun 40 mərasimi keçirilib.
aia.az xəbər verir ki, mərasimdə Gəncə şəhər İcra Hakimiyyətinin başçısı Niyazi Bayramov, Türkiyənin Gəncədəki Baş konsulu Recep Öztop, AMEA Gəncə Bölməsinin sədri, akademik Fuad Əliyev, Milli Məclisin üzvləri Naqif Həmzəyev və Müşfiq Cəfərov, bələdiyyə sədrləri, şəhərin idarə, müəssisə və təşkilat rəhbərləri iştirak ediblər.
İcra başçısı Niyazi Bayramov şəhid Orxan Əsgərovun atası Rizvan Əsgərova başsağlığı verib.
Xatırladaq ki, 27 yanvar 2023-cü ildə Azərbaycanın İrandakı səfirliyinə terror hücumu olub. "Kalaşnikov" markalı avtomatla silahlanan şəxs mühafizə postunu yararaq, səfirliyin Mühafizə Xidmətinin rəisi, baş leytenant Orxan Əsgərovu qətlə yetirib, daha iki nəfəri yaralayıb. Terrorçu səfirliyin əməkdaşları tərəfindən saxlanılıb. Hadisədən sonra Azərbaycanın İrandakı səfirliyinin əməkdaşları və ailə üzvləri ölkəmizə təxliyə olunub, diplomatik nümayəndəliyin fəaliyyəti isə dayandırılıb.
Terror hücumu nəticəsində şəhid olan Orxan Əsgərov yanvarın 30-da İkinci Şəhidlər xiyabanında dəfn edilib.
Qeyd edək ki, Azərbaycan Republikasının Prezidenti İlham Əliyevin Sərəncamıyla şəhid Orxan Əsgərov (ölümündən sonra) "Vətən uğrunda" medalına layiq görülüb.
Azər Tağızadə
Geri dön