Xəzər rayonunda karate idman növü ustad dərsləri keçirilib
2-03-2023, 19:14. Yazar: sevinc1
Xəzər rayonunda 5 Mart - Bədən Tərbiyəsi və İdman Gününə həsr olunmuş "İdman Həftəsi" çərçivəsində yuxarı sinif şagirdlərinin iştirakı ilə karate idman növü ustad dərsləri keçirilib!
Martın 2-də Azərbaycan Respublikasının Gənclər və İdman Nazirliyinin təşəbbüsü və Xəzər Rayon Gənclər və İdman İdarəsinin təşkilatçılığı ilə "İdman Həftəsi" ilə əlaqədar 262 nömrəli tam orta məktəbdə karate üzrə məşqçi-müəllim Samir İbrahimov tərəfindən gənclərin iştirakı ilə karate idman növü üzrə ustad dərsləri və masterklasslar keçirilmişdir. Masterklass zamanı gənclərə karate idman növü haqqında məlumat verilmiş, həmçinin nümunəvi çıxışlar edilmişdir.
Masterklassda Gənclər və İdman İdarəsinin rəisi Vüqar Əliyev, Milli Karate Federasiyasının baş hakimi Cahangir Babayev, Federasiyasının kata üzrə məşqçisi Oqtay Salmanov, Avropa çempionları Fatimə Məmmədova və Aslan Dostuyev iştirak etmişdir. Tədbirin keçirilməsində əsas məqsəd karate idman növünün inkişafı və sağlam həyat tərzinin təbliğindən ibarətdir. Masterklassın sonunda Samir İbrahimov Gənclər və İdman İdarəsi tərəfindən "Təşəkkürnamə" ilə təltif edilib.
Geri dön