Gəncənin baş meydanında Novruz şəhərciyi fəaliyyət göstərəcək
1-03-2023, 09:08. Yazar: sevinc1
Gəncədə Novruz bayramı ilə əlaqədar şəhərcik qurulacaq.
aia.az xəbər verir ki, yarmarka şəhərin Baş meydanında, İcra Hakimiyyətinin binasının qarşısında olacaq.
Şəhərcik 5-25 mart tarixlərində fəaliyyət göstərəcək. Burada 12 ədəd satış və tanıtım pavilyonu, əyləncə qurğuları, kəndirbaz və milli oyunlar, ölkədə ən hündür səməni, gündəlik konsert və şou-proqramlar təşkil olunacaq. Həmçinin ağırlıqqaldırma, xoruz döyüşləri, papaqatma, yumurta döyüşləri, daşoynatma və digər yarışlar keçiriləcək.
Çərşənbə günləri şəhərcikdə tonqal qalanacaq. Ərazidə bütün hər yaş kateqoriyasından olan uşaqlar və böyüklər üçün müxtəlif attraksion və oyun qurğuları fəaliyyət göstərəcək.
Azər Tağızadə
Geri dön