Xəzər rayonunda stolüstü tennis idman növü üzrə yarış keçirilib
27-02-2023, 21:36. Yazar: sevinc1
Xəzər rayonunda Ümummilli lider Heydər Əliyevin anadan olmasının 100 illik yubileyinə həsr olunmuş 5 Mart - Bədən Tərbiyəsi və İdman Günü münasibətilə idarə, müəssisə və təşkilatlar arasında stolüstü tennis idman növü üzrə yarış keçirilib.
aia.az xəbər verir ki, Xəzər Rayon Gənclər və İdman İdarəsi və Dövlət İdarələri və İctimai Xidmət İşçiləri Həmkarlar İttifaqının Xəzər rayon komitəsinin birgə təşkilatçılığı ilə "Heydər Əliyev İli" çərçivəsində Xəzər rayon Gənclər Evində rayon üzrə fəaliyyət göstərən idarə, müəssisə və təşkilatlar arasında stolüstü tennis idman növü üzrə yarış təşkil edilib.
Turnir Azərbaycan Respublikasının Dövlət Himni ilə açıq elan edilmiş, Ümummilli lider Heydər Əliyev və şəhidlərin xatirəsi bir dəqiqəlik sükutla yad edilmişdir. Tədbirdə Xəzər rayon Gənclər və İdman İdarəsinin rəisi Vüqar Əliyev, Dövlət İdarələri və İctimai Xidmət İşçiləri Həmkarlar İttifaqının Xəzər rayon komitəsinin sədri Əmir Hüseynov, idarə, müəssisə və təşkilat nümayəndələri iştirak ediblər.
Turnirin keçirilməsində əsas məqsəd stolüstü tennis idman növünün inkişaf etdirilməsi, yarış iştirakçılarının idman ustalıqlarının artırılması və təkmilləşdirilməsini təmin etmək, rayon üzrə idman kütləviliyinə nail olmaqdan ibarətdir. Turnirin sonunda qalib oyunçular diplom və qiymətli hədiyyələrlə təltif ediliblər.
Geri dön