Benzema Messinin rekordunu təkrarlayıb
22-02-2023, 10:31. Yazar: sevinc1
İspaniyanın “Real Madrid” klubunun futbolçusu Kərim Benzema hazırda Fransa PSJ-sində çıxış edən Lionel Messinin rekordunu təkrarlayıb.
aia.az-ın məlumatına görə, 36 yaşlı hücumçu buna İngiltərədə “Liverpul”a 5:2 hesabı ilə qalib gəldikləri UEFA Çempionlar Liqasının 1/8 final mərhələsinin ilk oyununda nail olub.
Görüşdə dubl edən fransalı forvard ardıcıl 18-ci mövsümdə avrokuboklarda fərqlənib. Daha əvvəl bunu yalnız Argentina yığmasının üzvü Lionel Messi edib. Hər iki oyunçu 2005/2006 mövsümündən Çempionlar Liqasında qol vurub.
Qeyd edək ki, komandalar arasındakı cavab matçı martın 15-də İspaniyada olacaq.
aia.az
Geri dön