Polşa, yoxsa Portuqaliya?
30-06-2016, 22:15. Yazar: admin
Bu gün AÇ-2016-da 1/4 final mərhələsinə start veriləcək.
Aia.Az apasport.az-a istinadən xəbər verir ki, ilk yarımfinalçının adı Polşa və Portuqaliya yığmaları arasında keçiriləcək matçdan sonra müəyyənləşəcək.
Qrup mərhələsində xal baxımından Almaniyadan geri qalmayan polyaklar iddialarını davam etdirmək arzusundadılar. 1/8-də İsveçrəni penaltilər seriyasında üstələyən Polşa millisində özünəinam hissi artıb. Komanda oyununa güvənən polşalılar Portuqaliyaya problem yarada bilər.
Öz növbəsində, Portuqaliya da matça qələbə üçün çıxacaq. Avro-2004-də gümüş medallara sahib çıxan pireneylilər AÇ-2012-də bürünc medallara yiyələnmişdilər. Kriştianu Ronaldo və komanda yoldaşları bu dəfə qızıl mükafata iddialıdılar.
Portuqaliya yığması qrup mərhələsini yaxşı keçirməsə də, hələ AÇ-2016-da məğlubiyyət acısı dadmayıb. 1/8 finala qrup üçüncüsü kimi adlayan "Avropanın Braziliyası" bu mərhələdə güclü Xorvatiya yığmasını mübarizədən kənarlaşdırıb.
Avropa çempionatı - 2016
1/4 final mərhələsi
30 iyun
23:00. Polşa - Portuqaliya
Baş hakim: Feliks Brix
Yan xətt hakimləri: Mark Borş, Stefan Lupp
Əlavə köməkçi hakimlər: Bastian Dankert, Marko Frits (hamısı Almaniya)
Dördüncü hakim: Milorad Maziç (Serbiya)
Ehtiyat yan xətt hakimi: Milovan Ristiç (Serbiya)
Hakim-inspektor: Pyerluici Kollina (İtaliya)
UEFA nümayəndəsi: Roland Ospelt (Lixtenşteyn)
Marsel. "Velodrom" stadionu
aia.az
Geri dön