Gəncə şəhərindən 7 yük maşınından ibarət humanitar yardım Türkiyəyə yola düşüb
11-02-2023, 12:41. Yazar: sevinc1
Fevralın 6-da Türkiyənin cənub-şərqində qeydə alınan zəlzələ nəticəsində zərərçəkmiş şəxslərə yardım məqsədilə Azərbaycanın bütün bölgələrində olduğu kimi Gəncədən və ətraf bölgələrdən də yardımlar toplanılır.
Şəhər və ətraf rayon sakinlərinin, həmçinin dövlət və qeyri-dövlət orqanlarının təşəbbüsü ilə toplanan yardımlar dünən axşam saatlarında ümumi çəkisi 150 tona yaxın olmaqla 7 yük maşını ilə Gəncədən Türkiyəyə yola salınıb.
Yolasalma mərasimində Türkiyənin Gəncədəki Baş konsulu Recep Öztop, Gəncə şəhər icra hakimiyyəti başçısı Aparatının məsul əməkdaşları, ictimaiyyət nümayəndələri iştirak ediblər.
Göndərilən ləvazimatlar əsasən, isti geyimlər, qızdırıcılar, yorğanlar, ədyallar, uşaq bezləri, uşaq yeməkləri, qablaşdırılmış qidalar və digər zəruri əşyalar olub.
Qeyd edək ki, yardım aksiyası davam edir və növbəti yardım karvanının bu gün yola salınması nəzərdə tutulub.
Azər Tağızadə
Geri dön