Niyazi Bayramov zəlzələ ilə bağlı Türkiyənin Baş konsuluna başsağlığı verib
6-02-2023, 18:23. Yazar: sevinc1
Gəncə şəhər İcra Hakimiyyətinin başçısı Niyazi Bayramov Türkiyənin Gəncədəki Baş konsulu Recep Öztopla görüşüb. İcra başçısı Türkiyədə baş vermiş zəlzələ nəticəsində çoxsaylı insan tələfatı və dağıntılarla bağlı xəbərin Azərbaycanı çox sarsıtdığını və kədərləndirdiyini bildirib. Şəhər rəhbəri təbii fəlakət zamanı həlak olanlarla bağlı qardaş Türkiyə xalqına başsağlığını çatdırıb, yaralananların tezliklə şəfa tapmasını diləyib.
N.Bayramov Azərbaycan Respublikasının Prezidenti İlham Əliyevin tapşırığına əsasən, təbii fəlakətin nəticələrinin aradan qaldırılması məqsədilə qardaş Türkiyənin zəlzələ bölgəsinə dərhal yardım göstərilməsi ilə bağlı təxirəsalınmaz tədbirlərin görüldüyünü diqqətə çatdırıb.
Baş konsul Recep Öztop bu qardaş dəstəyinə görə Azərbaycan xalqına minnətdarlığını ifadə edib.
Azər Tağızadə
Geri dön