Ukraynada koronavirusun yeni ştammı aşkarlandı
25-01-2023, 09:36. Yazar: sevinc1
Ukraynada “Kraken” (XBB.1.5) adlı yeni növ koronavirusa ilk yoluxma halı qeydə alınıb.
Virus Sumı rayon sakinində aşkarlanıb.
Bu barədə Ukrayna Səhiyyə Nazirliyi məlumat verib.
“Hadisə Sumı vilayətində koronavirusa qarşı peyvənd kursu keçməmiş şəxsdə qeydə alınıb”, - məlumatda deyilir.
Ümumdünya Səhiyyə Təşkilatının məlumatına görə, “Kraken” digər subvariantlardan daha təhlükəli olan xüsusi mutasiyalara malik deyil. Bununla belə, əvvəlki ştammlarla müqayisədə, yeni COVID-19 ştammı insanın immun reaksiyasından yayınmaqda çox effektivdir, yaşlı və immuniteti zəif olan insanlarda ciddi xəstəliklərə səbəb ola bilir.
aia.az
Geri dön