"Bakı turizm baxımından cəlbedici şəhərdir"
19-06-2016, 14:00. Yazar: admin
Bakını çox bəyəndik, şəhərin arxitekturası xüsusilə gözəldir.
Bunu Aia.az-a Bakıya "Formula 1" yarışmasını izləməyə gəlmiş britaniyalı turist Viktoria Hills deyib.
O bildirib ki, Bakının dəniz kənarında yerləşməsi şəhərə xüsusi gözəllik verir:
"Formula 1" yarışması Bakının bu gözəlliyini dünyaya nümayiş etdirməyə imkan yaradacaq. Bakı turizm baxımından cəlbedici bir şəhərdir, insanda xoş təəssürat yaradır".
Qeyd edək ki, iyunun 18-də Bakıda "Formula 1" Avropa Qran Prisinin ikinci günü başlayıb.
Hər biri iki pilotla təmsil olunan 11 komandanın birincilik uğrunda mübarizə apardığı yarış trekinin uzunluğu 6 kilometrdir. Bakı Şəhər Halqasında dünyanın ən məşhur pilotları - Luis Hamilton, Fernando Alonso, Niko Rosberq, Sebastian Fettel, Valtteri Bottas və digərləri yarışırlar.
Trekin ən geniş yerinin eni 13, ən dar hissəsinin eni isə İçərişəhər ətrafında, o cümlədən 7-ci və 8-ci döngələrdə 7,6 metr təşkil edir. Yarışın start və finiş xətti Azadlıq meydanında olacaq. Burada, həmçinin "Paddok klub", komandaların boksları və pit-leyn qurulub.
aia.az
Geri dön