"Türkiyə ilə oyunda olmayacağam"
18-06-2016, 16:11. Yazar: admin
Çexiya millisi ciddi itki ilə üzləşib.
Aia.Az qol.az-a istinadən xəbər verir ki, komandanın yarımmüdafiəçisi Tomaş Rositski zədələnib.
Xorvatiya ilə oyunda (2:2) zədə alan 35 yaşlı futbolçu Türkiyəyə qarşı görüşdə iştirak etməyəcək. Bu barədə danışan Rositski deyib:
"Bilirdim ki, Xorvatiya ilə görüşdə bizə xal qazanmaq lazımdır. Ona görə də meydanda maksimum gücümü ortaya qoydum. Təəssüf ki, bu heç-heçə mənə baha başa gəldi. İnanıram ki, komanda yoldaşlarım Türkiyə ilə görüşdə keyfiyyətli oyun sərgiləyəcəklər. Ancaq mən bu matçda iştirak etməyəcəm".
Qeyd edək ki, Çexiya - Türkiyə oyunu iyunun 21-də keçiriləcək.
aia.az
Geri dön