Gəncədə qəzalı binalarda yaşayan sakinlər üçün yeni binalar inşa edilir
19-12-2022, 12:06. Yazar: sevinc1
Gəncə şəhər İcra Hakimiyyətinin sifarişi ilə şəhərdə qəzalı vəziyyətdə olan yataqxana və yaşayış binalarından köçürüləcək sakinlərin yerləşdirilməsi məqsədilə 249 mənzilli yeni yaşayış binalarının inşası davam edir.
aia.az xəbər verir ki, şəhərin Nizami Gəncəvi prospekti ilə Kimyaçılar küçəsinin kəsişməsinin şimal-qərbində tikilən 4 yaşayış binası 9 və 10 mərtəbəli olacaq. Layihəyə əsasən binalarda mənzillərdən 10-u 3, 20-si 2, 219-u isə 1 otaqlı nəzərdə tutulub.
Məlumat üçün bildirək ki, tikinti işləri Gəncə şəhər İcra Hakimiyyətinin sifarişi ilə "Alians" MMC tərəfindən həyata keçirilir.
İnşaat işlərinin 2023-cü ildə başa çatdırılması planlaşdırılıb.
Azər Tağızadə
Geri dön