Azərbaycan-Türkiyə-Türkmənistan üçtərəfli formatı Türk dünyasına böyük töhfə verəcək
16-12-2022, 16:09. Yazar: sevinc1
Dekabrın 14-də Türkmənbaşı şəhərində Azərbaycan Respublikasının Prezidenti İlham Əliyevin, Türkiyə Respublikasının Prezidenti Rəcəb Tayyib Ərdoğanın və Türkmənistan Prezidenti Sərdar Berdiməhəmmədovun geniş tərkibdə görüşü olub.
Türkmənbaşı şəhərində keçirilən Azərbaycan-Türkiyə-Türkmənistan dövlət başçılarının Birinci Üçtərəfli Zirvə Görüşü regional əməkdaşlığa, nəqliyyat, logistika, ticarət sahələrində əlaqələrin genişlənməsinə öz töhfəsini verəcək. Görüş zamanı əbədi dost və qardaş olan üç ölkə arasında ticarət, enerji, nəqliyyat, gömrük, elm və mədəniyyət haqqında sənədlər imzalanması da görüşün əsas mahiyyəti ondan ibarət idi. Eyni zamanda qardaş ölkələr arasında enerji ehtiyatları tədarükünün şaxələndirilməsi, tranzit-nəqliyyat əlaqələrinin möhkəmləndirilməsi baxımındanda bu görüş müstəsna əhəmiyyət kəsb edir.
Dünyada bir-birinin dövlət müstəqilliyini Azərbaycan və Türkiyə qədər dəstəkləyən, həmrəylik göstərən başqa bir nümunə tapmaq çətindir. Ayrıca Türkiyə, Türkmənistan və Azərbaycan arasında münasibətlər köklü tarixi və mədəni bağlardan qaynaqlanan qardaşlıq təməli üzərində hər sahədə inkişaf etməkdə və güclənməkdədir. Türkiyə, Türkmənistan və Azərbaycan xalqlarının eyni soykökə, dilə, dinə, mədəniyyətə və bir çox digər qarşılıqlı bağlara malik olması bu ölkələri həmişə doğma etmiş, sevincli, kədərli günlərdə də bir-birinin yanında olmasına şərait yaratmışdır. Xalqlarımızın yaxşı gündə də, pis gündə də bir-birinə dayaq olması, yardım əlini uzatması, əlbəttə ki, Azərbaycan-Türkiyə -Türkmənistan münasibətlərinin yüksək səviyyəsini, möhkəm əlaqələrin salsılmaz xarakterini bir daha təsdiqləyir. Bu gün Azərbaycan Türkiyə Və Türkmənistanı bir-birinə möhkəm bağlayan strateji layihələr fəaliyyət göstərir. Hazırda siyasi müstəvidə ölkələrimiz arasında yüksək səviyyədə münasibətlər formalaşır, iqtisadi sahədə əlaqələrin gücləndirilməsinə dair mühüm addımlar atılır. Dekabrın 14-ü Türkmənistanın Türkmənbaşı şəhərində keçirilən görüşdə Azərbaycan prezidenti İlham Əliyev çıxışında deyib: “Azərbaycan, Türkiyə və Türkmənistan etnik, dini-mədəni köklər və ortaq mənəvi dəyərlərlə sıx bağlıdır. Biz xalqlarımızın zəngin tarixi-mədəni irsi və bəşər sivilizasiyasına verdiyi böyük töhfələrlə qürur duyuruq.
Prezident İlham Əliyev Azərbaycan-Türkiyə-Türkmənistan dövlət başçılarının Birinci Üçtərəfli Zirvə Görüşündə çıxışı zamanı Zəngəzur dəhlizinin açılması məsələsinə də xüsusi ilə toxunmuşdur. Ölkə başçısı öz çıxışı zamanı qeyd etmişdir ki, Zəngəzur dəhlizinin Azərbaycan ərazisindən keçən hissəsində işlər fəal aprılır. Görülən bütün bu işlər həm ölkəmizin milli maraqlarının qorunmasına, həm də regional sabitliyin, təhlükəsizlik və inkişafın təmin olunmasına xidmət göstərir.
Bayram Xudayarov
Elm və Təhsil Nazirliyi Fizika İnstitutunun əməkdaşı,
Heydər Əliyev məktəbinin davamçıları Feysbuk qrupunun yaradıcısı,
YAP-ın fəal üzvü
aia.az
Geri dön