Avropa İttifaqı və Birləşmiş Ərəb Əmirliklərində fəaliyyət göstərən narkoticarət karteli zərərsizləşdirilib
2-12-2022, 13:38. Yazar: sevinc1
Avropa Polis Agentliyi (Avropol) narkotik alverçilərinin “superkartel”inin ləğv olunduğunu bəyan edib.
aia.az xəbər verir ki, bu barədə Avropolun mətbuat xidmətinə istinadən REGNUM məlumat yayıb. Məlumatda bildirilir ki, Avropa İttifaqı və Birləşmiş Ərəb Əmirliklərinin hüquq-mühafizə orqanlarının əməkdaşları tərəfindən keçirilmiş birgə əməliyyat tətbirləri nəticəsində Avropa kokai ticarətinin təxminən üçdə birinə nəzarət edən narkotik alverçilərinin böyük mütəşəkkil qrupu zərərsizləşdirilib. Bu məqsədlə
“noyabrın 8-dən 19-a kimi Avropa və Birləşmiş Ərəb Əmirliklərində koordinasiyalı reydlər keçirilib”, – Avropolun açıqlamasında bildirib.
Həmçinin qeyd olunub ki, əməliyyat İspaniya, Fransa, Belçika, Hollandiya və Birləşmiş Ərəb Əmirliklərindən olan müstəntiqlərin paralel apardıqları araşdırmaların yekunu olaraq, 49 şübhəli saxlanılıb, 30 tondan çox narkotik vasitə götürülüb.
Geri dön