Oğuz rayonunda tədbir
2-12-2022, 10:28. Yazar: sevinc1
Oğuz rayonunda Əhməd Cavadın 130 illiyi qeyd edildi.
Dekabrın 1-də M.F.Axundzadə adına Oğuz rayon Mədəniyyət Mərkəzində istiqlal şairi Əhməd Cavadın 130 illik yubileyi münasibəti ilə ”Mücahid şair- Əhməd Cavad” adlı ədəbi-musiqili kompazisiya təşkil edilib.
aia.az xəbər verir ki, tədbir Azərbaycan Respublikasının Dövlət Himninin səsləndirilməsi ilə başlayıb, daha sonra torpaqlarımızın azadlığı uğrunda canını qurban vermiş şəhidlərin xatirəsi bir dəqiqəlik sükutla yad edilib.
Daha sonra istiqlal şairi Əhməd Cavada həsr olunmuş videoçarx nümayiş olunub.Tədbirdə iştirak edənlər Əhməd Cavadın həyatından və yaradıcıllığından geniş məlumat verib, şairin şeirlərinə bəstələnmiş musiqilər səsləndirilib.
Tədbirin sonunda Şəki Regional Mədəniyyət İdarəsinin Oğuz rayonu üzrə nümayəndəsi Elvin Qarayev çıxış edərək, Əhməd Cavadın Azərbaycan ədəbiyyatındakı xidmətlərindən danışıb, tədbirin təşkilində xidmətləri olan hər kəsə təşəkkür edib.
aia.az
Geri dön