Kriptovalyuta birjasının təsisçisi FTX fırıldaqçılıq ittihamlarını rədd edir
1-12-2022, 17:35. Yazar: sevinc1
Sam Bankman-Fried qurduğu FTX platformasının iflasından sonra "Biz tamamilə uğursuz olduq" –deyərək müştərilərə ödəmək üçün kifayət qədər pul olduğunu iddia etməyə davam edir.
FTX -nin qurucusu Sam Bankman-Frid, şirkət imperiyasının möhtəşəm dağılmasından sonra fırıldaqçılıq iddialarına qarşı özünü müdafiə etməli olub. 30 yaşlı amerikalı sahibkar Nyu Yorkda keçirilən konfransda "Mən heç vaxt heç kimə qarşı saxtakarlıq etməyə çalışmamışam" deyib.
Bitkoin kimi rəqəmsal valyutalar üçün ticarət platformasının əsaslandığı Baham adalarından danışan Bankman-Frid izahatında qeyd edib ki: "Mən bunu inkişaf edən bir iş kimi gördüm və bu ay baş verənlərdən şok oldum. Geriyə baxanda utanıram. "Tamamilə uğursuz olduq".
Kriptovalyutalar üçün ən böyük ticarət platformalarından biri olan FTX, bir neçə gün ərzində böyük vəsait axınından sonra təxminən üç həftə əvvəl çökdü. Milyardlarla müştərinin vəsaiti ödənilə bilmədi. Kriptovalyuta sənayesində tez-tez sadəcə SBF adlandırılan Bankman-Fried noyabrın 11-də istefa verdiyini elan etdi və ABŞ-ın Delaver ştatında qrup müflis olduğunu elan etmək üçün müraciət etdi.
İflas prosesində liderliyi ələ keçirən FTX-in yeni rəhbəri Con Rey sələfini sərt tənqid edib: “Karyeramda heç vaxt korporativ nəzarətin bu qədər tam uğursuzluğunu və etibarlı maliyyə məlumatlarının belə çatışmazlığını görməmişdim”.
ABŞ-da Bankman-Fried-ə qarşı araşdırmalar və qrup davaları davam edir. O, FTX-nin oradakı müştərilərə ödəmək üçün kifayət qədər pula sahib olduğunu iddia edir. "ABŞ platforması tamamilə ödəmə qabiliyyətinə malikdir". Niyə hələ də Baham adalarında olduğunu və qeyri-müəyyən hüquqi vəziyyəti nəzərə alaraq hələ də ABŞ-a getməyə cəsarət edib-etmədiyini soruşduqda, Bankman-Frid sadəcə olaraq cavab verib ki, o, keçən il artıq Karib adasında yaşayıb.
Elbrus Bağırov
aia.az
Geri dön