Britaniya Hərbi Dəniz Qüvvələri Cəbəllütariqdə olan patrul qayıqlarını yeniləri ilə əvəz edir
1-12-2022, 13:28. Yazar: sevinc1
Böyük Britaniya Kral Donanması Cəbəllütariq boğazı sularında təhlükəsizliyə nəzarəti həyata keçirən eskadrasının patrul qayıqlarını yeni nəsil katerlərlə əvəz edib.
aia.az xəbər verir ki, yeni katerlərin əsas fərqli cəhətlərindən biri budur ki, onların hazırlanmasında karbon liflərindən istifadə edilib. Bu barədə “Composites Manufacturing” nəşri məlumat yayıb.
Mersisaydda (İngəltərənin qərbində qraflıq) yerləşən “MST Group” kompaniyası tərəfindən istehsal edilmiş 19 m-lik “HMS Cutlass” və “HMS Dagger” katerləri 16 m-lik iki “HMS Scimitar”-ı əvəz ediblər. Bildirilir ki, yeni qayıqlar sələflərindən daha yüngül və sürətlidir. Hər iki qayıq 41 mil/saat (76 km/saat) sürətə malikdir və üç universal pulemyotla silahlanıb. Qeyd edək ki, İngiltərənin Portsmut donanmasının bir hissəsi olan Cəbəllütariq eskadrası boğazın sularında patrul xidmətini həyata keçirir və oradan keçən gəmiləri müşayiət edir.
Elbrus Bağırov
aia.az
Geri dön