Norveçdə qiymət artımı səbəbilə mağazalardan oğurluq halları artmaqdadır
30-11-2022, 08:56. Yazar: sevinc1
Norveçdə inflyasiya və enerji böhranı fonunda mağazalardan oğurluq halları artıb. Bu barədə ölkədə geniş ərzaq mağazaları şəbəkəsinin sahibi olan “Norges Gruppen” kompaniyasının kommunikasiyalar üzrə meneceri Kine Seiland məlumat verib.
aia.az xəbər verir ki, Norveç televiziya kanalı TV2-yə müsahibəsində K.Seilan belə deyib: "Bizim şəbəkələrimiz bu il əvvəlki illərlə müqayisədə mağazalarda oğurluq və fırıldaqçılıq cəhdlərində artım müşahidə edir".
Telekanalın istinad etdiyi Norveçin Şərq Polis Departamentinin statistikasına görə, 2022-ci ildə kiçik mağazalardan oğurluqların sayı 2021-ci illə müqayisədə 14% artıb.
Elbrus Bağırov
aia.az
Geri dön