"Gender əsaslı zorakılıqla mübarizə" mövzusunda təlim keçirilib
28-11-2022, 13:24. Yazar: sevinc1
Siyəzən Rayon Gənclər və İdman İdarəsinin təşkilatçılığı ilə "Gender əsaslı zorakılıqla mübarizə" mövzusunda maarifləndirici təlim keçirilib.
aia.az xəbər verir ki, Gənclər Evində baş tutan tədbirdə ilk öncə idarənin rəisi Nadir Məmmədov çıxış edərək təlimin önəmi haqqında danışıb.
Daha sonra Bakı Dövlət Universitetinin IV kurs tələbəsi Orxan Xangəldiyev tərəfindən gender problemi, qadın hüquqları, müxtəlif fəaliyyət sahələrində və məişətdə gender balansının qorunması, gender zəminində formalaşmış ayrı-seçkiliyin səbəbləri, ona qarşı mübarizə və mövzu ilə bağlı digər məsələlər haqqında iştirakçılara məlumat verib. Daha sonra təlim müzakirə şəklində davam etdirilib.
Elbrus Bağırov
aia.az
Geri dön