Xaçmazın Vətən müharibəsi qaziləri Bakıda olublar
28-11-2022, 10:33. Yazar: sevinc1
Mədəniyyət İşçiləri Həmkarlar İttifaqı Xaçmaz rayon Komitəsi və Xaçmaz rayon Gənclər və İdman İdarəsinin birgə təşkilatçılığı ilə Vətən müharibəsi qaziləri və bir qrup fəal gənclərin Hərbi Qənimətlər Parkına və II Fəxri Xiyabanına ziyarəti təşkil edilib.
aia.az xəbər verir ki, Bu barədə Mədəniyyət İşçiləri Həmkarlar İttifaqı Xaçmaz rayon Komitəsinin rəsmi facebook səhifəsində dərc olunmuş məlumatda xəbər verilir.
Xəbərdə bildirilir ki, keçirilən tədbir gənclərə Hərbi Qənimətlər Parkında 44 günlük Vətən müharibəsində Azərbaycan Ordusunun “Dəmir yumruq” əməliyyatı zamanı düşmənin döyüş meydanında qoyub qaçdığı hərbi texnika, atıcı silahlar müharibənin real nəticələri ilə daha yaxından tanış olmaq imkanı qazandırıb.
Sonra gənclər Vətən müharibəsi qaziləri ilə birlikdə II Fəxri Xiyabanı ziyarət edərək ölkəmizin suverenliyi və ərazi bütövlüyü uğrunda canlarını fəda edən, erməni işğalçıları ilə döyüşlərdə şəhidlik zirvəsinə ucalan qəhrəman Vətən övladlarının məzarları üzərinə qərənfillər düzüb, xatirələrini dərin hörmət və ehtiramla yad ediblər.
Geri dön