KARDİOLOGİYA İNSTİTUTU MAARİFLƏNDİRİCİ TƏDBİR KEÇİRMİŞDİR
28-11-2022, 10:24. Yazar: sevinc1
Elmi-Tədqiqat Kardiologiya İnstitutu yeni bir təşəbbüsə imza etmişdir. Belə ki, institu tərəfindən mütəmadi olaraq tibbi-maarifləndirici tədbirlər keçirilir. Belə tədbirlərdən biri də “Gənclik Mall” Ticarət Mərkəzində keçirilən maarifləndirici-tibbi aksiya keçirilib.
aia.az xəbər verir ki, aksiyada ETKİ kardioloqları tərəfindən infarkt və ürək - damar sistemi (ÜDS) xəstəlikləri haqqında məlumat verilib, müayinələr aparılmış söhbət zamanı pasiyentlərin diqqətinə çatdırılmışdır ki, son illərdə dünyada ÜDS xəstəliklərinin cavalanması müşahidə olunur, bu da səhv qidalanma, qeyri- düzgün həyat tərzi, ətraf mühitin və ekoloqiyanın kirlənməsi ilə, həmçinin vətəndaşların vaxtında müvafiq tibbi müəssisələrində müayinələrdən keçməməsi ilə əlaqədardır.
Prof. Gülnaz Dadaşova çıxışında qeyd edib ki, hazırda dünyada olduğu kimi Azərbaycanda da ÜDS xestəlikləri həm rast gəlmə tezliyinə, həm də yarada biləcəyi fəsadlara görə birinci yerdədir. Hal-hazırda İcbari Tibbi Sığorta Agentliyinin Xidmətlər Zərfinə daxil olan xidmətlər sayəsində, ürək xəstəliklərinin bir çoxu tam ödənişsiz şəkildə həyata keçirilir və bu ölüm sayının azalmasında müsbət dinamikaya gətirir.
Elbrus Bağırov
aia.az
Geri dön