Eltun Süleymanov: Azad Laçın “Böyük Qayıdış”hazırlaşır
28-11-2022, 10:05. Yazar: sevinc1
“Laçın Dağlıq Qarabağın ətrafında yerləşən 7 rayondan biridir. Şuşa şəhərinin azad edilməsinin ardınca noyabrın 9-da Azərbaycan Ordusu Laçının da Güləbird, Səfiyan, Türklər kəndlərini işğalçılardan təmizlədi. Müzəffər Azərbaycan Ordusunun Laçın rayonunun bir hissəsinə və digər mühüm strateji mövqelərə daxil olmasından, xüsusilə Şuşa şəhəri və onun ardınca 70-dən artıq kəndin azad olunmasından az sonra Ermənistan ağ bayraq qaldırdı. Noyabrın 10-da Azərbaycan və Rusiya prezidentlərinin, Ermənistanın baş nazirinin imzaladıqları birgə Bəyanata əsasən, Ermənistan silahlı qüvvələri Laçını da Ağdam və Kəlbəcər rayonları kimi Azərbaycana təhvil verməli oldu. Laçın rayonunun işğaldan azad olunması ilə Azərbaycanın ərazi bütövlüyü tam bərpa edildi”.
Bunu aia.az-a açıqlamasında Nəsimi Rayon İcra Hakimiyyəti yanında İctimai Şuranın sədr müavini Eltun Süleymanov deyib.
Eltun Süleymanov qeyd edib ki, “işğaldan 28 il sonra Azərbaycan xalqının beynəlxalq qanunlarının aliliyini və tarixi ədaləti özünün bərpa etdiyini vurğulayan R.Vəlibəyov bildirib: “Müzəffər Ali Baş Komandan İlham Əliyevin rəhbərlik etdiyi rəşadətli Azərbaycan Ordusunun və xalqımızın 44 günlük Vətən müharibəsində əldə etdiyi qələbə nəticəsində imzalanmış üçtərəfli bəyanata əsasən, kapitulyasiya etmiş Ermənistan dekabrın 1-də Laçın rayonunu təhvil verdi. Lakin bundan əvvəl, yəni, noyabrın 9-u Laçın rayonunun Güləbürd, Səfiyan və Türklər kəndləri Azərbaycan Silahlı Qüvvələri tərəfindən işğaldan azad edilmişdi. Müzəffər Ali Baş Komandan, Prezident İlham Əliyevin sərəncamları ilə Laçın rayonunun işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirmiş Azərbaycan Respublikası Silahlı Qüvvələrinin 8395 hərbi qulluqçusu 2020-ci il noyabrın 26-da təsis edilmiş “Laçının azad olunmasına görə” medalı ilə təltif olunmuşdu”.
E.Süleymanov əlavə edib ki, “Laçının azad olunması ilə Azərbaycan BMT Təhlükəsizlik Şurasının bütün qətnamələrini faktiki olaraq məhz özü hərbi-siyasi yolla yerinə yetirdi. Biz BMT Təhlükəsizlik Şurasının qətnamələrini yerinə yetirdik. Bu qətnamələr 27 il idi ki, təkcə Ermənistan üçün yox, bir çox başqaları üçün də, kağız parçası idi.
1992-ci il mayın 18də qerməni qəsbkarları tərəfindən işğal edilən Laçın rayonunda İşğaldan əvvəl 217 mədəniyyət müəssisəsi, 142 səhiyyə obyekti, 133 idarə və müəssisəsi, 100 ümumtəhsil məktəbi, 5 məktəbəqədər müəssisəsi, 5 musiqi məktəbi, 1 internat məktəbi, 1 orta texniki peşə məktəbi və 1 rabitə müəssisəsi var idi.İşğal olunmuş rayonun yerli əhalisi son statistikaya görə 80 mindən çoxdur, laçınlılar respublikanın 57 şəhər və rayonunda müvəqqəti məskunlaşmışlar. Birinci Qarabağ müharibəsində 264 nəfər laçınlı şəhid olmuş, 65 nəfər girov götürülmüş, 103 nəfər əlil olmuşdur. Rayonun 6 Milli Qəhrəmanı vardır. Rayon üzrə 1 yaşdan 16 yaşadək 24374 nəfər uşaqdan 18 nəfəri şəhid, 225 nəfəri əlil olmuş, 1071 nəfəri bir, o cümlədən 31 nəfəri hər iki valideynindən yetim qalmışdır”.
“Təəssüf ki işğal dövründə azərbaycanlıların başına gətirilən müsibətlərə göz yuman, maddi-mədəni abidələrimizin vandalizmə uğramasını görməzdən gələn dünya gücləri bu gün erməni havadarlarının, xüsusən Fransanın şəxsində yenidən humanitar donb geyinərək bizi ittiham etməyə cəhd göstərir”-deyə əlavə edən Eltun süleymanov bildirmişdir ki, Müzəffər ali Baş Kiomandan İlham Əliyevin qətiyyətli mövqeyi, siyasi iradəsi ilə hesablaşmağa məcbur olan bu güclər faktiki reallıqla barışmağa məcbur oldular.İndi laçın da digər rayonlarımız kimi azaddır. Hazırda Laçın istiqamətində dövlət sərhədləri möhkəmləndirilmiş, fərqli təyinatlı infrastruktur layihələri reallaşdırılmışdır. Eyni zamanda, Laçın rayonunda generasiya gücü 8 meqavat olan “Güləbird” Su Elektrik Stansiyasını işə salınıb. Bu stansiya təxminən 7000 nəfər əhalinin elektrik enerjisi ilə təminatında mühüm rol oynayacaq. Burada istehsal olunan elektrik enerjisi Qubadlı rayonunun Xanlıq kəndini, Laçın rayonunun cənub hissəsini və ərazidə yerləşən digər infrastruktur layihələrini elektrik enerjisi ilə təmin edəcək. Eləcə də Prezident İlham Əliyevin Sərəncamına əsasən inşa edilən Kəlbəcər-Laçın avtomobil yolunun uzunluğu 72,8 kilometrdir. Birinci və ikinci texniki dərəcəyə uyğun tikiləcək yolun hərəkət hissəsinin eni 9-16 metr olacaq. İki və dörd hərəkət zolaqlı olacaq yol üzərində altkeçidlər və körpü inşa olunacaq. Yol üzərində 3 tunelin tikintisi aparılacaq. Tunellərin ümumi uzunluğu 9450 metr olacaq”.
Eltun Süleymanov sonda qeyd edib ki. “ işğaldan azad olunmuş bütün rayonlarımız kimi Laçın rayonu da tezliklə yenidən məskunlaşdırılacaq, soydaşlarımızın “Böyük Qayıdış”ı yaxın vaxtlarda həyata keçiriləcəkdir. Cənab Prezident İlham əliyevin rayona səfərləri. Burada aparılan tikinti-quruculuq işlərinə bilavasitə nəzarət etməsi, bu gözəl diyarın çiçəklənməsi üçün bütün potensialdan istifadə edilməsi Vətən sevgisindən qaynaqlanır. Bu sevgi siyasiiradə lə birləşdikdən, xalqla dövlət arasında möhkəm birlik yarandıqdan, ordu ilə xalqın sarsılmaz gücü mövcud olduqdan sonra bu gücün qarşısında heç bir düşmən qüvvəsi tab gətirə bilməz və Azərbaycan xalqı bunu 44 günlük savaşda dünyaya sübut etmişdir. Məhz bu güc indi qurub yaratmağa, abadlıq işlərinə sərf edilir. Bununla da aydın olur ki bu torpaqların əzəli və əbədi sahibi qayıtmışdır. Artıq o möhtəşəm günlərdən iki il ötür. Bu iki ildə Laçın yenidən öz qaynaar həyatına qovuşmaq, yenidən cənnət diyarına çevrilmək kimi uzun illərin arzusuna qovuşub. Tezliklə insanlar öz yurdlarına qayıdacaq və böyük quruculuq işləri həyata keçiriləcək.Müzəffər Ali Baş Komandan, Prezident İlham Əliyevin qətiyyəti, hərbi qələbəni siyasi qələbəyə çevirən diplomatik məharəti nəticəsində Laçın rayonunun da qan tökülmədən, şəhid verilmədən geri qaytarılması tarixi hadisədir”.
Geri dön