“Politico”: Avropa ABŞ-ı müharibədən qazanc əldə etməkdə ittiham etdi
25-11-2022, 12:51. Yazar: sevinc1
Vladimir Putinin müharibəsi Qərbin birliyini təhdid etdiyi bir vaxtda Avropa İttifaqı rəsmiləri yüksək qaz qiymətləri və silah ticarəti səbəbilə Co Baydenə hücumlar edirlər.
Avropanın yüksək səviyyəli rəsmiləri Co Bayden administrasiyasına qəzəblənir və indi Aİ ölkələri əziyyət çəkərkən amerikalıları müharibədən qazanc əldə etməkdə ittiham edirlər: “Fakt budur ki, əgər ayıq baxsanız, bu müharibədən ən çox faydalanan ölkə ABŞ-dır, çünki onlar daha çox qaz və daha yüksək qiymətə satırlar, həm də daha çox silah satırlar”, - ABŞ-ın nüfuzlu “Politico” informasiya agentliyi bu sözlərin Aİ-nin yüksək çinli rəsmilərindən birinin dediyini yazır.
Həmçinin qeyd olunur ki, Avropa sənayesini məhv etmək təhlükəsi yaradan ABŞ-ın subsidiyaları səbəbilə Avropada getdikcə artan qəzəbin ardınca digər ölkələrin rəsmiləri, diplomatları və nazirləri tərəfindən dəstəklənən ifşaedici şərhlər yer almağa başlayıb. Güman ki, Kreml Qərb müttəfiqləri arasında münasibətlərin gərinləşməsini yalnız alqışlayacaq.
aia.az
Geri dön