Lavrovu ATƏT-ın yığıncağına buraxmadılar
24-11-2022, 11:33. Yazar: sevinc1
Rusiyanın xarici işlər naziri Sergey Lavrovun rəhbərlik etdiyi nümayəndə heyyəti, Avropa Təhlükəsizlik və Əməkdaşlıq Təşkilatının üzv dövlətlərin xarici işlər nazirlərinin iclasına buraxılmayıb. ATƏT-ə üzv dövlətlərinin xarici işlər nazirləri, yığıncağa sədrlik edən Polşanın təkbaşına belə qərar qəbul etməsinə etiraz ediblər. Nazirlər bununla bağlı birgə bəyanat qəbul ediblər.
"Bəyənatda bildirilir ki, kollektiv etiraz edən nazirlər, hazırda ATƏT-ə sədrlik edən Polşanın, Rusiya nümayəndələrinin 29 -cu iclasda iştirakına icazə verməməsini qəbulolunmaz hal kimi qiymətləndiriblər" -deyə bildirən, Kollektiv Təhlükəsizlik Müqaviləsi Təşkilatının baş katibi Stanislav Zas əlavə edib ki, Lavrovun yığıncağa buraxılmaması ATƏT-in özünə zərbə vuracaq.O, eyni zamanda KTMT-nin də ATƏT-in yığıncağına dəvət almadığını bildirib.
Rusiya XİN-in sözçüsü Mariya Zaxarova, Polşanın bu qərarını Avropanın təhlükəsuzliyinə zərbə kimi qiymətləndirib. Zaxarova qeyd edib ki, ATƏT-ə sədrlik edən Polşa, üzv dövlətlərin hamısına eyni şərait yaratmalı idi.
Beləliklə, Rusiyanın Ukraynaya hücum etməsindən sonra, Rusiya demək olar ki, tamamilə bütün beynəlxalq təşkilatlar tərəfindən "oyundan kənar" vəziyyətə salınır. Bəzi ekspertlərin fikirincə, gərginliyin getdikcə artması, dünyanın böyük fəlakətlərlə üzləşməsi riskini artırır.
aia.az
Tərcümə şöbəsi
Geri dön