Düzce sahibkarlarından vətənpərvərlik və insansevərik nümunəsi
23-11-2022, 12:30. Yazar: sevinc1
Artıq xəbər verildiyi kimi, noyabrın 23-də, yerli vaxtla saat 04:08-də Türkiyənin Düzce vilayətində 5,9 bal gücündə zəlzələ olub.
Hal-hazırda Düzce universitetində təhsil alan həmyerlimiz Nicat Hüseynlinin bu barədə aia.az-a verdiyi məlumatlarda bildirilir ki, təbii fəlakət nəticəsində onun oxuduğu universitetin binasına da ciddi zərər dəyib. Həmçinin N.Hüseynli hadisədən sonra şəhər sakinlərinin nümayiş etdirdikləri həmrəylik və qarşılıqlı yardım nümunələrinə dair maraqlı açıqlamalar təqdim edib. Həmyerlimiz xəbər verir ki, zəlzələdən sonra şəhərdə fəaliyyət göstərən və təbii fəlakət nəticəsində zədə almamış bütün kafelər öz qapılarını artıq səhər saat 5-dən açıblar. Amma həmin gün kafe sahiblərinin məqsədi heç də ticarət olmayıb. Sahibkarlar bir daha yüksək vətənpərvərlik, yardımsevərlik və insansevərik nümayiş etdiriblər. Belə ki, səhər saatlarından işə başlayan bütün obyektlərdə zəlzələdən zərər çəkmiş insanlara yardım məqsədilə isti geyim və örtüklər paylanıb, pulsuz yeməklər, çay verilib.
Geri dön