Xəzər rayonunda "Erkən nikah və qohumluq arasında nikahın mənfi nəticələri" mövzusunda seminar keçirilib.
19-11-2022, 09:49. Yazar: sevinc1
Noyabrın 18-də Ailə, Qadın və Uşaq Problemləri üzrə Dövlət Komitəsinin Şüvəlan Uşaq və Ailələrə Dəstək Mərkəzi və Xəzər Rayon Gənclər və İdman İdarəsinin birgə təşkilatçılığı ilə Mədəniyyət və Sənətkarlıq üzrə Bakı Dövlət Peşə Təhsil Mərkəzində maarifləndirici tədbir təşkil edilib.
aia.az xəbər verir ki, tədbirdə Xəzər Rayon Gənclər və İdman İdarəsinin məsləhətçisi Elçin Bəşirov, AQUPDK nəzdində Şüvəlan Uşaq və Ailələrə Dəstək Mərkəzinin (UADM) əməkdaşları, sosial pedaqoq Nərminə Mürsəlova, sosial iş üzrə mütəxəssislər Arzu Quliyeva, Aysun Kərimova, müəllimlər, valideynlər və gənclər iştirak ediblər.
Tədbirdə çıxış edənlər erkən nikahın doğurduğu fəsadlara və cəmiyyətə vurduğu ziyana görə dövrümüzün mühüm və aktual problemi olaraq qaldığını bildiriblər. Həmçinin qeyd edilib ki, erkən nikah gələcək nəsillərin sağlamlığını və həyatını təhlükə altına atır, boşanma hallarını artırır. Bu problem iki nəslin, həm indiki, həm də gələcək nəslin nümayəndələrinə sağalmaz yaralar vurur.
Seminar diskusiya şəklində davam etdi. Tədbir iştirakçılarını maraqlandıran suallar cavablandırılıb və mövzu ətrafında müzakirələr aparıldı.
Tədbirdən fotolar
Elbrus Bağırov
aia.az
Geri dön