AŞIQ ŞAKİRİN 100 İLLİK YUBİLEYİ QEYD OLUNDU
18-11-2022, 11:36. Yazar: sevinc1
Kürdəmir rayon Heydər Əliyev Mərkəzində Kürdəmir Regional Mədəniyyət İdarəsi Kürdəmir rayon Mədəniyyət Mərkəzinin və Nizami Gəncəvi adına Milli Ədəbiyyat Muzeyinin Xaqani Şirvani adına Aran Regional filialının birgə təşkilatçılığı ilə XX əsr aşıq sənətinin görkəmli nümayəndəsi, əməkdar mədəniyyət işçisi Aşıq Şakir Hacıyevin 100 illik yubiley tədbiri keçirilib.
aia.az xəbər verir ki, tədbirdə Respublika Aşıqlar Birliyinin sədri, professor Məhərrəm Qasımlı, Kürdəmir Regional Mədəniyyət İdarəsinin rəisi Faiq Xudanlı, Kürdəmir Rayon İcra Hakimiyyəti Başçısının Humanitar məsələlər üzrə müavini Vəsilə Əsgərli, aşığın nəvəsi, AMEA-nın elmi işçisi, filologiya üzrə fəlsəfə doktoru Qətibə Mahmudova, filologiya üzrə fəlsəfə doktoru Yaqut Bahadurqızı, tanınmış jurnalist Tofiq Abdullayev çıxış edərək aşığın yaradıcılığı haqqında ətraflı söhbət açıldı.
Aşıq Ağamurad Şirvanlı, aşıq Elman Talıstanlı, məşhur balabançı, əməkdar mədəniyyət işçisi Rasim Ələşgərov, gənc aşıq Qəlbinur İbrahimli, aşıq Elçin Rəşidoğlu, aşıq Babək Şakirli, aşığın sənət dostları xanəndə Əvəzxan Xankişiyev və məşhur muğam ustası Səfalı Əliyev, gənc xanəndə, muğam müsabiqəsi laureatı Daşqın Kürçaylı ustad aşığın repertuarından nümunələri səsləndirildi.
Elman Hüseynov
aia.az
Geri dön