Xəzər rayonunda 8 Noyabr - Zəfər Gününə həsr olunmuş taekvondo idman növü üzrə klublararası yoldaşlıq görüşü keçirildi
10-11-2022, 11:02. Yazar: sevinc1
"Buzovna İdman Zalı" MMC təşkilatçılığı ilə ölkənin müxtəlif regionlarında fəaliyyət göstərən idman klublarının 250-ə yaxın üzvü: uşaq, yeniyetmə və gəncləri arasında turnir təşkil olundu.
aia.az xəbər verir ki, tədbiri Buzovna İdman Zalının direktoru Zahid Nadirov açıq elan edərək tədbirin mahiyyətindən danışdı. Daha sonra Xəzər Rayon Gənclər və İdman İdarəsinin rəisi Vüqar Əliyev çıxış edərək şəhidlərimizin xatirəsinin əbədiləşdirilməsi istiqamətində belə tədbirlərin həyata keçirilməsinin çox mühüm olduğunu vurğuladı.
Tədbirin sonunda Xəzər Rayon Gənclər və İdman İdarəsinin rəisi Vüqar Əliyev və "Buzovna İdman Zalı" MMC-nin direktoru Zahid Nadirovun iştirakı ilə qaliblər diplom, medal və kubokla, hakimlər isə Fəxri-Fərmanla mükafatlandırıldı.
Tədbirdən foto şəkilləri təqdim edirik.
Elman Hüseynov
aia.az
Geri dön