Deputat Elnur Allahverdiyev şəhid ailəsini ziyarət edib -
7-11-2022, 11:07. Yazar: sevinc1
aia.az xəbər verir ki, Milli Məclisin deputatı Elnur Allahverdiyev şəhid ailəsini ziyarət edib.
E. Allahverdiyev bildirib ki, Hüseyin Tağıyev dairəmizin ilk Vətən müharibəsi şəhididir. 5 oktyabr 2020-ci ildə Füzuli istiqamətində gedən döyüşlərdə qəhrəmancasına həlak olub. Dostları və qonşuları onu yüksək mədəniyyətə sahib vətənpərvər gənc kimi xarakterizə edirlər. Anası Mətanət xanım deyir ki, Hüseyin 2016-cı ilin aprel döyüşlərindən bu yana Qarabağı nə vaxtsa azad edəcəyimizin həsrəti ilə yaşayıb.
Millət vəkili qeyd edib ki, Zəfər bayramı ərəfəsində Mətanət xanımla və şəhidimizin əmanəti Könül bacımızla görüşdük. Mətanət xanımla söhbət edərkən onun nə qədər möhkəm ruhlu ana olduğundan təsirlənməmək olmur.
Allah bütün anaları qorusun!
Allah şəhidlərimizə rəhmət etsin!
Geri dön