8 Noyabr - Zəfər gününə həsr olunmuş "Zəfər Meydanı" adlı tədbir keçirilmişdir
4-11-2022, 17:50. Yazar: sevinc1
Quba rayon Gənclər və İdman idarəsinin təşkilatçılığı, Quba Dövlət Sosial-İqtisadi kollecinin dəstəyi ilə 3 noyabr 2022-ci il tarixində gənclərlə dəyirmi masa ətrafında görüş keçirilmişdir.
aia.az xəbər verir ki görüş Vətənimizin azadlığı, ərazi bütövlüyü uğrunda canından keçmiş şəhidlərimizin xatirəsinin bir dəqiqəlik sükut ilə yad edilməsindən sonra açıq elan edilmişdir. Tədbir zamanı Quba rayon Gənclər və idman İdarəsinin rəisi Mustafa Nöhbalayev, Quba Dövlət Sosial-İqtisadi kollecin direktoru Cəvahir İskəndərova Vətən müharibəsinin tarixi əhəmiyyətindən, Müzəffər Ordumuzun cəsarətindən, qəhrəmanlıqlarından geniş söz açaraq, gəncləri vətənpərvər olmağa çağırmışdırlar. Daha sonra Vətən müharibəsindən bəhs edən "Zəfər Meydanı" adlı sənədli film gənclərə təqdim edilmişdir. Tədbirin proqramına uyğun olaraq Vətən müharibəsində qəhrəmancasına canından keçmiş qubalı şəhid - Əliyev Tamerlanın anası Zümrüd Xalıqova şəhidin, Vətən müharibəsi qazisi Murad Babayev isə öz keçdiyi döyüş yolundan, əsgərlərimizin cəsarətindən geniş söhbət açmış, xalqımızın birlik nümayiş etdirdiyini xüsusi vurğulamışdır. Sonda görüşdə iştirak edən gənclər mövzu ilə bağlı öz fikirlərini bildirmişdirlər.
Tədbirdən foto şəkilləri təqdim edirik
Elman Hüseynov
aia.az
Geri dön