Aİ İslam İnqilabi Keşikçiləri Korpusunu terrorçu təşkilat kimi tanımaq istəyir
31-10-2022, 09:24. Yazar: sevinc1
"Amerikanın səsi" məlumat verir ki, Almaniya və Avropa İttifaqı, İranın islam inqilabi keşikçiləri korpusunun terrorçu təşkilat kimi tanınması yollarını araşdırır. Bu barədə dünən Almaniyanın xarici işlər naziri Annalena Berbok bəyan edib.
"Mən ötən həftə aydın şəkildə bildirdim ki, İrana qarşı yeni sanksiyalar paketi tədbiq edəcəyik və İslam inqilabi keşikçiləri korpusunu terrorçu təşkilat kimi bu paketə daxil etmək yollarını araşdırırıq"- deyə Berbol ADR yayım şirkətinə müsahibəsində bildirib.
Almaniyalı nazirin bu bəyənatı, islam inqilabı keşikçiləri korpusu rəhbərinin etirazçılara qarşı sərt rəfdar edəcəkləri xəbərdarlığından sonra verilib. Ötən həftə Almaniya, İrana qarşı sanksiyaların sərtləşdiriləcəyini bildirərək, sanksiyalar paketinə daha sərt tədbirlər əlavə ediləcəyini bildirmişdi.
Berbok həmçinin, hazırda İranın nüvə proqramı ilə bağlı Qərb və İran arasında heç bir danışıqlar aparılmadığını bəyan edib.
aia.az
Tərcümə şöbəsi
Geri dön