Gədəbəy rayonunda Şəhid məzarı ziyarət edilib
28-10-2022, 09:49. Yazar: sevinc1
AİA.Az xəbər verir ki, 27.10.2022-ci il tarixdə 44 günlük Vətən müharibəsində Şəhid olan Gədəbəy rayonunun Çalburun kənd sakinləri Müzəffərli Kənan Azər oğlu,Mustafayev Elvin Qiyas oğlu və Çanaqçı kənd sakini Məmmədov Yasin İman oğlunun ikinci ildönümləri münasibətilə YAP Gədəbəy rayon təşkilatının sədri və əməkdaşları, Gədəbəy rayon İH Başçısı aparatının məsul işçiləri və kənd camaatının iştirakı ilə məzarları ziyarət olundu, ruhlarına dualar oxundu, əziz xatirələri böyük ehtiramla yad edildi.
Şəhidlərin valideynləri dövlət tərəfindən onlara göstərilən diqqət və qayğıya görə Müzəffər Ali Baş Komandan, Prezident cənab İlham Əliyevə,Birinci Vitse-Prezident Mehriban xanım Əliyevaya öz minnətdarlığını bildirdi.
Allahdan bütün Şəhidlərimizə rəhmət diləyir, onları dərin ehtiramla anır, ruhları qarşısında baş əyirik!
Geri dön