Göygöl rayonunda Vətən müharibəsi şəhidi Elbrus Hüseynovun anım günündə xatirəsi ehtiramla yad olunub
19-10-2022, 15:22. Yazar: sevinc1
AİA.Az xəbər verir ki, Göygöl rayon İcra Hakimiyyətinin başçısı cənab Elvin Paşayev, YAP Göygöl rayon təşkilatının sədri Vüqar İsayev, rayonun hüquq mühafizə orqanlarının rəhbərləri, qazilər və şəhidin ailə üzvləri Vətən müharibəsində xüsusi qəhrəmanlıqla döyüşərək şəhidlik zirvəsinə ucalmış Elbrus Hüseynovun Göygöl şəhər Şəhidlər Xiyabanındakı məzarını ziyarət etmişlər.
Ziyarət zamanı şəhidin məzarı üzərinə gül dəstələri düzülüb, müqəddəs ruhuna dualar oxunmuşdur. Sonra şəhidin ailə üzvləri ilə evlərində görüşülüb, onların qayğıları ilə maraqlanılıb. Rayon İcra Hakimiyyətinin başçısı Elvin Paşayev şəhid ailələrinə göstərilən yüksək dövlət qayğısından danışaraq şəhidlərimizin daim hörmətlə və ehtiramla yad edildiyini, onların gələcək nəsillərə örnək olduğunu söyləmiş, YAP Göygöl rayon təşkilatı tərəfindən hazırlanmış xatirə hədiyyəsi şəhidin ailə üzvünə təqdim olunmuşdur. Söhbət zamanı şəhidin ailə üzvləri onlara göstərilən xüsusi diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya minnətdarlıqlarını bildiriblər.
Geri dön