Şagirdi döyən direktorun yerinə təyinat
19-10-2022, 11:36. Yazar: sevinc1
Abşeron rayonu Ceyranbatan qəsəbəsi 1 nömrəli tam orta məktəbə yeni direktor təyinatı olub.
Bu barədə aia.az-a Abşeron-Xızı Regional Təhsil İdarəsindən məlumat verilib.
Bildirilib ki, daha əvvəl Abşeron-Xızı Regional Təhsil İdarəsində metodist vəzifəsində çalışan Nuranə Vəliyeva direktor vəzifəsindən azad edilmiş Çinarə Atayevanı əvəzləyib.
Qeyd edək ki, bir neçə ay əvvəl sosial şəbəkələrdə Abşeron rayonu Ceyranbatan qəsəbəsi 1 nömrəli tam orta məktəbin direktoru Çinarə Atayevanın şagirdlərin birini döyməsi və mobil telefonunu qırması barədə məlumat yayılmışdı.
aia.az
Geri dön