İnsan alveri ilə mübarizəyə dair maarifləndirmə təlimi
10-10-2022, 10:00. Yazar: sevinc1
“Ailə Dünyası” Ailələrə Hüquqi Yardım İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirdiyi “Təhlükəsiz səyahət “ ölkəyə daxil olan və xaricə səfər edən şəxslərin insan alveri təhlükəsi barədə məlumatlandırılması”layihəsinin icra planına uyğun olaraq Azərbaycan Respublikasında insan alverinə qarşı mübarizəyə dair 2020-2024-cü illər üçün Milli Fəaliyyət Planında nəzərdə tutulduğu kimi İnsan alverinin, xüsusilə qadın və uşaq alverinin, həmçinin məcburi əməyin qarşısının alınması məqsədi 7 oktyabr 2022-il tarixdə Gəncə şəhəri, «Təmas» Реgional İnkişaf İctimai Birliyinin ofisində müxtəlif yaş qrupuna aid 30 nəfər şəxsə insan alveri ilə mübarizəyə dair maarifləndirmə təlimi keçdi.
Təlimi İnsan alveri ilə mübarizə sahəsində böyük təcrübəsi olan, tanınmış ekspert Südabə Məmmədova apardı. O, təlimçilərə xaricə getmək istəyən və ölkəmizə gələn şəxslərin İnsan alveri qurbanına çevrilməmələri üçün nəyi bilmələri, hansısa problemlə rastlaşdıqda hansı qurumlara müraciət etmələri, hansı sənədləri mütləq şəkildə özündə saxlamalı olduqları, xarici ölkələrə ailə qurmaq, təhsil almaq adı ilə gedən şəxslərin hansı zəruri tədbirlər görmələri ilə bağlı geniş məlumat verdi. Təlimin sonunda iştirakçılara sertifikatlar verildi və maarifləndirmə turuna cəlb olunacaq 20 nəfər könüllülüər seçildi.
8 oktyabr 2022- ci il tarixində isə Gəncə Beynəlxalq Hava Limanında Gəncə Dövlət Universitetinin nəzdində Regional Kollecin Tələbə Gənclər Təşkilatından maarifləndirmə turuna cəlb edilmiş könüllülər tərəfindən ölkəmizə gələn və qonşu ölkələrə gedən insanlara dövlət qurumları və təşkilat tərəfindən çap olunmuş “Təhlükəsiz səyahət” adlı maarifləndirici bukletlər paylanıldı.
aia.az
Geri dön